logo gymnastikgruppe

gymnastikgruppe

Vereinsreise 2018

Üseri Vereinsreis hät üs is Solothurner Jura gführt. Bim Wetter hämer leider nöd so viel Glück gha wiä im Summer. Das hät üs aber nöd vom wanderä abghaltä und so han i Bilder im Kopf wo susch nöd so idrücklich gsi wäred. Dä Nebel isch so dick gsi das mir zum Teil d’Frauä vor üs nümä gseh händ. Wos den aber druf und dra cho isch hät er sich glich achli gliächtet und mir händ gseh wiä wit obä mir sind. Dä Blick über diä steilä Felswänd grad abä uf Solothurn und d’Aare isch fantastisch gsi. Und i welli Richtig flüsst jetzt dä Fluss???

I dä Unterkunft ah cho, gits gad mol z’erst ä Iführig, wiä mir üs z’Verhaltä händ. Es isch den nur eis Bett pro Frau erlaubt und dä Rauchmelder lönd ihr jo in ruäh susch isch euän Lohn futsch. (Hände)

Gschlofä hämmer z’14 i eim Zimmer und i glaub mengi Frau hät di hai nöd so ruhigi Bettgsellä.

Uf engä und kurvärichä Strössli hät üs s’ Postauto am Sunntig dä Berg durab brocht. Nochäm Bsuäch im Infozenter über d’Störch hämer üs dä Aare no uf dä weg noch Solothurn gmach.
In Solothurn isch ä Stadtführig über Gschicht vo verschiedenä Frauädörfä ufäm Programm gstandä und Gott sei Dank bin i nöd zu seberä Ziit Hebamme gsi. Nochämnä gigantischä z’Nacht simmer muäd aber glücklich mitäm Zug hai greist.

Dankä Susanne für diä wunderschönä Erinnerigä.

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.